Автор: Патимат Рамазанова
Чаннал т|иму кунма буккай Сапижат
Словно солнечный блик вместе с лучами
Сапижат Мазаевой
Чаннал т|иму кунма буккай Сапижат,
Парт|у Пат|имал нур арх|ала лахълай,
Чаннанил мугьругу пар т|ий гьайбатрай,
Чувшиврул чанигу хъач|унттай ликлай.
Ххюттуршва барчаллагь, ттул буттал улчай,
Лявхъунут|ий Лаккуй виртталсса душру,
Чарттари ххуллурдайх зунттурдайн лахълай
Кьянкьа-кьурч|и хьусса вай душваврахлу.
Хьхьунил махьлийн макьгу рут|лай аьдатну,
Хьхьучанихьун къюву лагь къахьурчагу
Дак|урдил бурх|улттай дах|лай бартрах|ин
Чивун пишгума т|ий буккай х|урулъэнт!
Чувшиврул чирахъну щалва билаят
Чанна лахъан бансса арс хъуна увсса,
Аслансса жул гъалбарц|,жул
Нурмах|аммад,
Лакку вирттаврал
ц|а ц|унил гьаз дурсса.
Параннурду дагьсса
Дак|нил хъяклурдай
Мач|ру дизлай, дазлай
Къювурдал ххаллай,
Бавахъулгу буссар ях|ливун багьлай,
Ях| ялтту бувккусса арсваврал ххуттай.
Лух|исса чалагъай ликъаккарчангу,
Чаннал т|иму кунма буккай Сапижат,
Парт|у Пат|имал нур арх|ала лахълай,
Ящума х|айранну
ях|ливун утлай.
